Kohima, July 1: Rural Development laga department pethor deh Performance Review Meeting toh RD Conference Hall jaga deh 1 July 2019 deh loise. Etu review meeting toh director, RD, Imlimeren Jamir laga chairmanship pethor deh loise.
Suru speech time deh principal secretary, RD, Bendangkokba IAS para rural to urban sector deh migration population laga kotha koise. Tai koise, pura sal deh rural population toh biswaas be kuribole napari kena namise. Rural population nama deh tai koise, bosti khan deh working force toh namaise. Etu deh jhum cycle toh 7-10 years thaga para 10-15 years deh othise.
Rural toh urban area deh migration population toh control kuribo nemide tai para MGNREGA, GIA aro RSETI (NRLM) nesana programmes bona toh gara kuribole koise aro rural youth khan ke income generating schemes debole koise.
Principal Secretary para be sob districts aro blocks khan ke Direct Benefit Transfer (DBT) laga report toh 15th July 2019 para debole koise aro geo-tagging laga sob programmes report toh 31st July 2019 para debole koise. Sob officers khan ke audit para, Success Stories under GIA and Utilization Certificate laga jawab toh 25th July 2019 para debole koise.
Performance review meeting deh MGNREGA, GIA/MCG/VDB Welfare fund, RGSA aro PMAY (G) deh kaam laga issue aro dekthari paai thaga laga kotha koise.
Add Comment