Agencies: 5th July, 2019 DC conference hall te jai thaka Deputy Commissioner Kohima, Anoop Khinchi IAS laga farewell program loishe. Jai thaka DC toh Kohima te char moina samay nimite he thakishe. Hoile bhi etu khata samay te tai toh bishi kaam kuri kena naam banabole parishe. Tai laga alak alak kamiyabi te 2019 Lok Sabha Elections toh tai laga district te shanty aro aram para lubole parishe. Anoop Khinchi, IAS toh tai laga farewell speech te tai laga sob administrative staff khan ke tai ke morom aro saath diya nimite dhanyabad dishe. Tai janaishe ke tai khan nathakile Lok Sabha Elections 2019 toh aram para jabole para nai. Tai Kohima laga DC thaka samay te manu khan toh kotha mani kena thaka aro saath diya nimite khushi paa janaishe. Kohima laga DC huwa toh tai nimite sob para khushi samay thakishe aro ahibole laga saal te yaad kuribole ase.
ADC Kohima, Lithrongla T Rutsa toh Officers aro DC office laga staff khan nimite kotha kurishe. Tai laga speech te tai para ekta ekdam mahenat kura aro dedicate kuri thaka Administrative Officer jai thaka opor te apsos huwa janaishe. Aro koishe ke jai thaka DC Anoop Khinchi, IAS logote para bishi hekibole parishe. Tai aro koishe ke tai laga samay toh khata thakishe. Aro Dimapur laga DC hoi kena jaa samay te kamiyabi pabole bhal wishes dishe.
Add Comment