Nagaland youth haraija case: Tui-jun ke arrest korise

Kohima, 27 July: Nagaland laga youth haraija cases deh mela tui-jun manu ke arrest korise. Etu tui-jun ke toh Gurugram (Gurgaon), Haryana para arrest korise.

Police hesab deh, tui-jun ke arrest kora toh haraija manu laga mobile phone powah nemide arrest korise.

Etu tuita arrest howah manu toh auto drivers ase. Tai jun para haraija Naga youth laga mobile rakha toh gari laga phara nidiya nemide rakhise koise.

Nagaland Police team deh ADG L/O R. Kikon para led korikena Gurugram Police logode touch ase.

DCP (SP rank) officer thaki kena special Gurugram police Team be bonaise haraija manu ke pesarikena pabo nemide.

Nagaland laga 25 sal, Vangba Phom toh Gurugram jaga deh kaam pesaribo nemide jaa thakise. Tai haraija jani powah toh 20^th July para ase. Tai haraija shaat shaat tai laga room-mates para tai laga family ke khobor janaishe aro Delhi Eastern Naga Students Union(DENSU) ke July 21 direk deh janaise.

Etu saam deh he family para South Police Station, Kohima deh FIR korise. DENSU ke khobor powah shaat-shaat July 22 direk DLF Phase-1 Police Station, Sikanderpur deh FIR korise. Etu case opor deh agae khobor rokhi ase.