Pakistan US logode mana-nai

Islamabad, 3 September: Nation’s Information and Broadcasting Minister Fawad Chaudhry pora janaideya hesab de, Pakistan khan US pora kowah de mana nai koise. US pora Pakistan logode kowah toh, Afghanistan logode peace thakibo karni India ke role debe na-nai kowah de na-mana laga ase. Internal aro external security issues nemide Prime Minister Imran Khan aro Army chief General Qamar Javed Bajwa laga hesab (view) be eki thakise koise. Minister pora jaanideya hesab de, Pakistan toh India logode Afghanistan nemide role play koridebole mon nai koise. Notun Prime Minister aro Army chief toh alag-alag issue de kotha kora thakise. Monday din News International pora janaideya hesab de, US khan India logode Afghanistan de role debole mon jai thakise koise. Hoilebe Pakistan khan etu nemide kushi na-powah thakise koise. Hoilebe Pakistan aro Washington pora mana toh, US pora Afghanistan ke charibole manise. Etu time de Pakistan khan be tusara desh logode phal pora thakibole mon ase kowah thakise. Minister pora kowah hesab de, India laga kumbah section khan Pakistan logode komchor koribole bhabi ase aro tusara section khan toh phal pora relalton thakibole bhabi ase kowah thakise. Tai pora kowah toh, India khan ahha sal de Lok Shabha elections thakibole ase. Etu pora tai khan Pakistan lagi thaga alag-alag issue de kotha na-koribo pari koise.