New Delhi, 09 August: Friday din centre para Pradhan Mantri Kisan Maan-Dhan Yojana (PM-KMY) nemide registration suru korise. Etu toh farmers khan nemide pension debole laga scheme ase.
Budget 2019-20 time deh announce kora etu scheme pethor deh hotai moina farmers khan 60 sal ponja time deh Rs 3,000 pension debole laga ase.
Agriculture Minister Narendra Singh Tomar para scheme suru kora khobor janai dekena koise, “Aji PM-KMY registration process toh pura desh deh suru hoise. Noon tak 418 farmers toh register hoise. Ami besi farmers khan etu scheme deh join hobole request janai ase”.
Tai koise, scheme toh pura desh deh suru hobo. Jammu and Kashmir aro Ladakh deh be suru hobo.
Tomar koise, Ektum dukh kori kena kaam korise koilebe farmers khan besi gamabole napari. Etu para social security toh kaam laga ase. Ami khan para phal invome nemide besi measures loise aro PM-KMY toh ekta measure ase.
Minister aro koise, government toh next five sal deh farmer laga income double hobole aim kori ase. Centre toh states logode touch ase aro sob farmers khan ke etu kaam laga shemes toh ponjibo nemide kosish kori ase.
Minister koise, “Government power deh ahha bechide Prime Minister para ministry khan ke hotishe etu kaam laga programmes toh first 100 din deh suru kuribole. PM-KMY registration process suru kora toh agae rasta nemide step ase”.
Farmer khan 2 (rpt) 2 hectare farm land tak thaga khan PM-KMY scheme deh register kuribole paribo. Etu toh farmers khan nemide voluntary aro contribution-based pension scheme ase. Etu scheme toh horu farmers nemide ase. Etu para landholding limit toh ase.
PM-KMY deh suru enrolment toh Common Service Centres (CSCs) para kori.
Enrollment toh free ase koikena Minister koise, CSCs deh Rs 30 per enrolment charge lobo aro etu charge toh government para debo.
Minister koise, farmers khan monthly contribution Rs 55 to Rs 200 debo lagibo aro etu toh sal laga entry opor deh ase.
Tai koise, central government para be apuni pension fund deh keman de ase etu nesana toh debo.
Scheme laga key features highlight kori kena Minister koise, spouse ke be alak pension Rs 3,000 toh pabole ase. Etu toh fund deh alak deh deya nemide hobo.
Judi retirement date agae deh farmer morise koile spouse para scheme toh agae loijai thakibole paribo.
Judi spouse khan etu scheme agae kori thakibole mon koile farmer para keman dekena ase etu poisa toh interest logode spouse ke koraidebo. Spouse nai koile total poisa logode interest toh nominee ke debo.
Retirement date bechide farmer morise koile spouse ke 50 percent pension toh family pension hisaab deh debo. Farmer aro spouse mora bechide total poisa toh pension fund deh koraijabo.
Add Comment