New Delhi, 09 August: Prime Minister Narendra Modi toh tui-din nemide Bhutan jabole ase. Tai August 17-18 direk Bhutan deh thakibole ase. Etu time deh tai top leadership khan ke issues thaga opor deh kotha koribo. Meeting deh bilateral development partnership gara kuribole aro hydropower sector deh mela-meli hobo nemide be kotha koribo.
Bhutan deh Prime Minister Modi toh August 17 direk ponja thakibo aro Bhutanese King Jigme Khesar Namgyel Wangchuck ke matiya thakibo.
Etu din deh he tai para tai laga Bhutanese counterpart Lotay Tshering ke mati kena delegation-level talks lobo.
Foreign Secretary Vijay Gokhale koise, lok kora time deh Mangdechhu hydropower project inaugurate kora thakibo.
Mr Gokhale koise, India’s development partnership toh bilaterial ties nemide dangor features ase. India para December moina Bhutan’s 12th five-year plan deh Rs. 5,000 crore development assistance debole janaideya thakise aro etu laga first tranch toh olaise.
PM Modi be Bhutan laga Royal University deh kotha kora thakibo. Bhutan laga King aro Queen para PM Modi ke samaan dekena lunch host kora thakibo.
Add Comment