Sales tax kenaga hoilebe othabo: Japan PM Shinzo Abe

Agencies, 4 September: Tuesday din Nikkei newspaper pora janaideya hesab de, ahha-sal majode Japanese Prime Minister Shinzo Abe pora sales tax toh kenaga hoilebe othaidebo koise.  Abe pora kowah hesab de, tai laga ruling Liberal Democratic Party (LDP) pora jowah sal lower house election jeta thakise koise. Etu time de Japan’s social welfare system de phal hobo karni sales tax othaidebo koikena wada kora thakise koise. Abe pora economic daily logode interview kora time de, tai khan etu wada kori thaga toh kenaga hoilebe koribo kowah thakise. Ahha sal October de 8 percent pora 10 percent tak othaidebole plan korise. 2014 de 5 percent pora 8 percent tax othaideya bechide Abe pora tui-par tax othabole postpond kora thakise. Abe koise, 8 percent otha de 10 percent aro othaidese koile hour he thakibole ase. Tai aro kowah toh, etu otha bechide saman laga dum namibo karni government pora kebah ekta toh koribo.