North Korea de South Korea envoys pongjise

Seoul, 5 September: Wednesday de South Korean envoys toh North Korea de pongjise. Tai tati pongja toh etu moina third North-South summit finalise koribo karni pongja laga ase.  Tai khan etu summit toh North aro United States majode denuclearisation koribole mana de kotha korijabole ase. South Korean officials biswas kora toh, etu ek-din North de jaa pora finalise hobole biswas kori ase. June de, United State aro North Korea de denuclearisation nemide mana thakise. Jowah moina U.S. President Donald Trump pora North korea de Secretary of State Mike Pompeo’s jabole thaga cancel kora thakise. Etu pora kotha koribo thaga toh deri hoi kena ase. Presidential Blue House jaga de South Korean President Moon Jae-in’s special envoys logode national security chief Chung Eui-yong aro National Intelligence Service spy agency laga director Suh Hoon pora lead kora thakise. Blue House press secretary Yoon Young-chan  laga hesab de, Pyongyang  jaga de, envoys logode North Korean committee laga chairman Ri Son Gwon pora welcome kora thakise koise.  Yoon pora janaideya hesab de, tai khan 20 minute toh Ri aro Kim Young Chol logode log kora thakise koise. Tai khan pora Singapore summit be arrange kora laga ase. Yoon pora janaideya hesab de, Seoul aaro Pyongyang officials majode extra kotha koribo nesana ase koise. Hoilebe envoys toh North Korean leader Kim Jong Un logode log na-koribo nesana ase koise. Yoon pora janaideya hesab, tai khan official meeting thakibole kori ase kowah thakise. Hoilebe tai khan kum logode log koribo nahoile kotde log koribo ase janaideya nai. Tuesday de Chung pora janaideya hesaab de, tai Pyongyang officials logode Korean peninsula laga denuclearisation nemide kotha koribole mon ase kowah thakise.