Dimapur, 02 September: Union Minister of State (Independent charge) for Ayurveda, Yoga and Naturopathy, Unani Siddha and Homoeopathy (AYUSH), Shripad Yesso Naik para Nagaland deh sob districts nemide AYUSH Hospital sanction kuribole manishe. Union minister para etu kotha janaideya toh State Health & Family Welfare minister, S Pangnyu Phom para Nagaland laga sob districts deh AYUSH Hospital aro AYUSH nemide alak department thakibo nemide plan kora ke janaideya ase.
Pangnyu Phom para tai laga official residence, New Delhi deh union minister ke matiya thakise aro state deh Central schemes bona aro state laga interior district deh function kora laga kotha korise. Tai para be union minister ke ektum kushi powah kotha janaise kelay koile State ke motob de thaga nemide.
PRO (IPR) Nagaland House, Kuolie Mere para release deh koise, union minister toh State laga Central project bonai thaga opor deh kushi powah thakise aro ahhibole din Nagaland toh ekta phal AYUSH Mission State hobole biswaas howah janaise. Minister para State deh invite kora opor deh union minister koise, Tuensang district deh AYUSH Hospital laga inauguration nemide joldi State deh ahhaibo.
Add Comment