Kohima, 14 September: Odisha’s Sambalpur deh Nagaland-registered truck para alak alak traffic violation nemide Rs 6.53 lakh fine deshe. Hoilebe etu toh notun Motor Vehicles Act pithor deh nahoi.
September 1 direk Motor Vehicles Act suru nahowah agae deh fine toh August 10 direk deh mangka laga ase. Etu laga khobor toh khali Saturday din deh jani paishe.
Sambalpur Regional Transport Office (RTO) para Challan toh driver Dillip Karta aro truck malik Shailesh Shankar Lal Gupta bearing Registration number – NL 08 D 7079 ke deshe.
Rs 6.53 lakh laga ke truck malik para fine toh Rs 6,40,500 deshe. Etu toh pas sal- July 21, 2014 to September 30, 2019 tak Odisha Motor Vehicles Taxation (OMVT) Act pithor deh road tax nidiya nemide ase.
Sources koishe, RTO para be fine lowah toh documents nabokha deh vehicle insurance, air and noise pollution violation, saman bokha gari deh passenger bokha aro permit conditions violate kora nemide ase.
Challan copy hisaab deh road tax penalty ke chari kena RTO para be truck malik ke Rs 100 fine toh general offence nemide, Rs 500 disobedience of orders/obstruction nemide, Rs 1,000 air and noise pollution violation nemide aro Rs 5,000 fine toh saman bokha gari deh passenger bokha nemide ase.
Etu opor deh permit nathaki kena gari jola nemide be Rs 5,000 aro insurance nathaga nemide be Rs 1,000 loise.
Add Comment