Islamabad: Pakistani pop star Rabi Pirzada kon laga video Prime Minister Narendra Modi ke dhamkai kena etu Kashmir chamela nemite saap aro crocodiles logot viral hoishe, beauty salon ke exotic animals raka nemite fined kurishe.
Pakistan’s Punjab Wildlife Protection aro Parks Department khan para legal action loishe Pirzada ke exotic animals raka nemite etu ke jarta pythons aro saap raka nemite dail aga beauty salon te. News International laga khobor.
Video doh viral hoishe , Pirzada doh python dhori kena aro alak reptile etu ke saap aro alligator dhekishe floor te. Etu maiki para India ke beyakoi kena kena etu special status Jammu aro Kashmir hataitiya nemite aro Modi ke dhamkai kena.
“Kashmir maiki khan moi deyar ase etu sob saap debole PM Narendra Modi ke. Sob moil aka sati doh peace sati ase “ koishe dai para video te, dai kana naka akete dai laga solidarity dekai kena Kashmir manuh khan ke.
August 17 te, Pirzada para etu kana doh release kurishe etu Kashmir chamela nemite dai laga Twitter handle te.alak tweet te, dai para koishe ,”moi khan Kashmir para Pakistan te bhal pei ,hotai dhakibo, hotai dhakibo koi kena.
DG Wildlife Protection Sohail Ashraf para koishe media te etu exotic animals etu ke alligators, pythons ,saap aro alak reptiles rakha doh Wildlife Act te violation hoishe koishe.
Officer para koishe Rabi Pirzada para hotai video upload kura aro animals laga photographs pe, etu para action hobo koishe dai ke. Rabi para sob animals Wildlife Protection Department ke debo laki koishe.
Pakistani news channel te kowa heshap te Pirzada para department ke blame kurishe dai nemite action lowa ke ketiya dai video bana time te Modi dhamkai kena.
“India khan para ke kobo , dai doh law te face kuri ase etu video ola nemite Modi ke dhamkai kena,Moi respect debole dhaka Wildlife khan ke dai khan etu video na ola akete kurishe koile koishe dai para.
Add Comment