New Delhi: Divij Sharan toh India’s number one ekla nahoi kena olap ake te teenta jaga pora odhi kena number 42 pora ATP doubles list laga top-ranked Asian te ase.
Tai laga opor te dhakiya 41 players sob toh Europe, USA aro olap South American countries Brazil aro Argentina khan nishena te poa ase.
“Etu jaga te bonjibole toh ektam phal lagi ase. Etu toh moi logot jivan bhor dhakibole laga kiba ekta ase,” Divij pora PTI ke koise.
Tokyo Olympics ke phabna kurikena, Delhi laga left-handed player pora Rohan Bopanna logot te join kuri kena ektam phal pora suru kurise, taijun Tata Open Maharashtra chitise.
Etu sal laga 28 tournaments khiliya te, Divij pora alak alak dosjun logot te partners kurise, aro Brazil’s Marcelo Demoliner logot te partner kuri kena Munich te BMW Open laga final bhi bonjise. Tai pora Slovakia’s Igor Zelenay logot te St Petersburg Open bhi chiti kena ase.
“Hosa ase ki moi bishi alak alak partner khan logot te khilise hoile bhi Artem, Rohan aro Marcelo khan logot te 52 habta karne ektam kamiyab dhakise. Etu partnerships khan logot te alak alak dhakise hoilse bhi moi mon diya toh moi laga game aro kinika team khan karne sobse phal khilibo koi kena dhakise,” Divij pora koise.
Divij pora koise tai aro Bopanna duijun eksat te tour dkarne wapas ahi ase koi kena.
“Rohan moijun alak bhag kuribole olaise kintoh moijun eksat te tangor tournaments te jabole moka bai dhakiya nai. Moijun eksat te Olympics te khilibole sai ase. Moijun eksat te konba tournaments khilibole kosish kuribo. Next habta Stockholm Open te moijun eksat khilibole ase.”
Both Divij aro Bopanna ranked 44, duijun toh government’s Target Olympic Podium Scheme (TOPS) laga beneficiary ase.
Add Comment