Shillong | Oct 12, 2019: Meghalaya manu khan shock hoishe Archbishop of Shillong diocese, Rev Fr Dominic Jala kun United States of America October 11 Indian Time te road accident te murishe.Tai 68 sal ase.
Archbishop Jala aro tai logote thaka United States, te kaam kuri thaka Indian priest Father Mathew Vellankal California te huwa road accident 11 pm October 10 (10:30 am on October 11 India time) te murishe .Etu time te tai dui jun Clearlake California Father Joseph Parekkatt, aro ekta Indian priest logote Jaa time te murishe.
Aro ekta priest kun gaari te thakishe tai khan logote Father Parekkatt thaka toh jhokom paishe hospital te stable ase .
Diocese of Oakland para press note te koishe ki Etu gaari toh Colussa Country, California te ekta semi truck logote laga lagi hoishe.
Sources koishe ki Archbishop toh California te jai thakishe tai laga saathi khan ke lokuribole nimete .Tai toh US te jaishe International Commission for English liturgy New York laga meeting te.
Archbishop Jala toh July 12, 1951, Mawlai, Shillong East Khasi Hills district Meghalaya te jonom hoishe.
Tai ke Salesians Don Bosco November 19, 1977 te priest bonaidishe .Tai toh congregation’s Guwahati province laga provincial thakishe tai ke shillong December 22, 1999 te archbishop nabona akhe te .Tai laga episcopal ordination toh April 2, 2000 thakishe.
Archbishop Jala toh second Indian archbishop ase dusra desh te car accident para mura toh.
PM Modi, State aro Religious leaders para ektum mondukh howah janaise
Prime Minister Narendra Modi para Shillong laga Archbishop, Most Rev. Dominic Jala mora nemide ektum mondukh howah janaise. PM Modi koise, “Tai ke toh society nemide phal service deya aro Meghalaya laga progress nemide passion deya para jaat kori thakibo. Isor para tai laga aatma shanty rakibo”.
Ektum ashrut aro mondukh hoi kena Shillong Archdiocese laga priests aro cleargies koise, “Ami khan laga beloved Archbishop mora laga khobor hona toh ektum mondukh laga khobor ase. Ami khan toh tai laga mortal 4-5 din deh ahibole laga ke rokhi ase. Etu bechide he ami khan para furneral nemide date aro time bonabo. Etiya nemide ami khan para apuni ke request janai ase ami khan nemide prathana kuribole, ami khan laga Archdiocese nemide prathana kuribole aro besi phak Archbishop laga aatma nemide prathana kuribole.
Etu nesana Meghalaya Chief Minister, Conrad Sangma koise, “California deh ami khan laga dear Archbishop, Dominic Jala achanak para mora toh ami khan laga state nemide mondukh din ase. Tai toh ami khan laga family logode close relationship thakise aro manu laga interest nemide besi issues deh hotai guide kora thakise. Isor para tai laga aatma shanty para rakhibole”.
Nagaland Chief Minister, Neiphiu Rio para be Shillong, Meghalaya laga Most Rev. Dominic Jala Archbishop mora nemide ektum mondukh howah janaise. Tai laga pura javaan Gospel laga message nemide dedicate kora mora toh Church nemide loss ase. Clergy, religious aro archdiocese laga laity ke ektum mondukh howah janaise.
East Shillong laga Congress MLA, Dr M Ampareen Lyngdoh aro North East Regional Bishops’ Council (NERBC) para be Meghalaya laga Most Rev. Dominic Jala Archbishop mora nemide ektum mondukh howah janaise.
Add Comment