Ulan-Ude: Sunday te Russia, Ulan-Ude te Women’s World Boxing Championships laga 48kg final te Manju Rani 4-1 pora Russian opponent Ekaterina Paltceva logot te hari kena silver te khotam hoise.
Harile bhi, etu toh Manju karne ektam tangor kahani ase, tai pohili bar khiliya te Mary Kom nishena World laga final te bonjise. 2011 te, pohili bar khiliya te world laga final tak bonja toh Mary Kom dhakise. Etu duita pora alak toh, Sonia Chahal, Sonia Lather, Saweety Boora, Sarjubala Devi aro Usha Nagisetty khan bhi World Championships laga final bonji kena ase.
World laga final te India majote Manju ekla bachi kena dhakise, aro India khan laga Women’s World Boxing Championships campaign toh silver aro teenta bronze pai kena khotam hoise.
Manju pora Thailand laga former World Championships bronze medallist Chuthamat Raksat ke 4-1 pora harai di kena final bonjise.
Semi-final chitiya biche te, Manju pora koise, “Moi tai logot te Thailand Open semi-finals te bhi khili kena ase etu pora moi logot experience ase ki hobole ase jane. Moi pohila round te olap uppercuts dise hoile bhi second round te tai pora moi ke olap dictary dise. Moi coaches laga kodha hesab te khili kena last round chitise.”
Manju bura tournament te ektam phal dhakise aro quarter final te North Korea laga top seed Kim Hyang ke harai dise.
Rani toh Haryana te Rohtak district laga busty Rithal Phogat te pora ase. Tai laga papa toh Border Security Force officer dhakiya cancer pora 2010 te murise.
Add Comment