Brazil Aro Nigeria 1-1 Pora Draw Hoise

Singapore: Sunday Singapore te friendly match khiliya Nigeria aro Brazil 1-1 draw te  Neymar jokom paise.

Paris Saint-Germain forward, National team te 101^st bar khiliya manu, dhing jokon pai kena Philippe Coutinho ke botli kurise.

Team  laga spokesman pora koise  Neymar  toh tai laga baya dhing te  dukh pai dhakise aro tai France te wapas ahi kena PSG doctors pora sabo.

Globoesporte.com pora koise Brazilian team doctor pora kowa toh player toh bekhai dhakiya nai koi kena.

Africans khan 35 minutes te Joe Aribo pora duibar international te tai laga second goal score kuriya biche te lead kuri dhakise.

Brazil khan pora second half hobole  teen minutes te Casemiro  pora score kuri kena wapas teraise.

Hoile bhi duita team ektam mehnat kuriya biche te 1-1 pora draw hoise.

Jily mohina te  Copa America chitiya pora loi kena  Brazil khan Colombia aro Senegal logot te draw aro Peru logot te hari kena ase.