Wokha, 24 October: Thursday deh Wokha District Senior Citizens Association (WDSCA) para Tiyi Hall, Wokha jaga deh 25 sal Silver Jubilee manaise. Etu mana din deh MLA, Dr. Chumben Murry toh special guest nemide thakishe Deputy Commissioner Wokha, Orenthung Lotha toh guest of honour nemide thakishe.
Jama howah jaga deh kotha kora time deh Dr. Chumben Murry para sob pioneers aro members ke ektum kushi powah janaishe. Kelay koile association toh agae loija aro kaamiyaab howah nemide. Tai koise, society aro community othabo nemide tai khan laga role toh ektum kaam laga ase. Etu para tai khan phal kaam aro motob toh dekena thakibole koise. Kelay koile younger generation khan tai khan laga phal examples toh lobo nemide.
DC Wokha, Orenthung Lotha para association ke congratulate kora thakishe. Kelay koile sob dangor citizen khan jama hobole nemide tai khan laga rich experiences share kuribo nemide platform deya karni.
Etu agae deh MLA aro DC Wokha para jubilee history aro WDSCA constitution laga approval ola thakishe. Rev. L.K. Tsanglao para theme ‘The Responsibility of Older Persons’ opor deh otha kora thakishe. Rev. Nyanchumo Lotha, Executive Secretary LBCA, Vankhosung para dangor manu khan sob nemide ashirbad pabo karni prathana kora thakishe.
President, WDSCA, Wokha, M. Rhonbemo Murry para welcome address deliver kora thakishe aro vote of thanks toh Vice/President WDSCA, Zubemo Kikon para janaideya thakishe.
Add Comment