Perth, 10 September: Monday din Australian police pora janaideya hesab de, ekta 24-sal manu Anthony Robert Harvey pora tai laga maike (wife), tinta horu bacha aro maike laga ama ke bhari saman aro jaku (knife) pora moraideya de bothnaam hoi kena ase. Etu manu (Antony) pora tai laga family toh nejor khorde-he moraidese koise. Moraideya bechide etu manu (Antony) ke na-thuri kena besi din thakise koise. Perth laga southwestern city jaga de, Anthony Robert Harvey pora tai laga tui-sal twin bacha Alice aro Beatrix, tai laga tin-sal maike bacha (daughter) Charlotte aro tai laga 41-sal maike (wife) Mara ke moriadese koi-kena police pora charge kora laga ase koise. Khor de thaga maike laga ama 73-sal Beverly Quinn logode be next din moraidese pari koise. Western Australia Police Commissioner Chris Dawson pora reporter logode janaideya hesab de, etu hamla de bondukh toh jola-nai koise. Hoilebe police khan biswas kori thaga toh, hamla kora manu pora bhari saman aro jaku (knife) jolaise pari koise. Sunday din Anthony Robert Harvey logode police station de joijaa bechide police khan pora 5-jun khor de mori kena paise koise. September 19 de Anthony Robert Harvey logode court de loi-jabole biswas kori ase.
Add Comment