Agencies, 10 September: Tuesday de Russia pora sobse dangor military drills olabole ase. Etu drills de 300,000 troops thakibole laga de Chinese sepia be meli-kena ase. Etu drill toh North Atlantic Treaty Organization (NATO) khan pora “exercising large-scale conflict” koi-kena mamabole kora laga ase. Lamba hapta Chinese aro Mongolian armies majode drill nemide daiyar kori thaga toh 11 September eastern Siberia jaga de suru hobole ase. Etu drill toh Moscow aro West majode tension hoi thaga time de olai ase. 1981 sal time de USSR’s (Russia) pora drill lowah time de 100,000 aro 150,000 Warsaw Pact soldiers majode thakise. Aro etu toh Soviet time de sobse dangor wala thaga ase. Hoilebe defence minister Sergei Shoigu pora janaideya hesab de, etu par laga toh sobse dangor wala hobole ase koise. Tati 300,000 soldiers, 36,000 military vehicles, 1,000 planes aro 80 warships toh drill de thakibole ase koise.
Russia pora sobse dangor military drill manabo
Add Comment