PURANIGUDAM , November 11, 2019 : Samaguri Assam’s Nagaon district te manu aro haathi laga chamela toh biya hoi jaishe.
Aro ekta manu ke Udmari area Sunday rati te haathi khan para chapaikena muraidishe.Etu area te bura manu mura nimete chamela toh biya hoijaishe.
Locals khan para ghussa uthikena Forest department laga office phangaidishe etu hadsaa huwa pichede .
Etu murijaa manu laga naam toh 50 sal uporte thaka Motilal Munda ase.Etu haathi hamlaa te biya para jhokom paikena Munda toh Samaguri laga primary health centre te luijaishe.
Hoilebi hospital te jaa time te tai biya para jhokom paa nimete murijaishe.Etu huwa logote bosti manu khan para Forest office phangaidishe aro koishe department khan para okobi nakura nimete .
Etia poila poila te bi etu jaka te manu aro haathi laga chamela khan olaithaishe. wild pachyderms laga herds khan Karbi Hills te ahe khabole nimete aro etu area khan te chamela olaideh.
Etu haathi khan para paddy fields biya kurikena manu khan uporte hamlaa kureh.Bishi manu khan murishe etu hathi khan para hamlaa kura pichede.
Aro kunba time thakishe haathi khan ke bi manu khan para muraidiya toh.Munda ke hamlaa kura toh tai laga mati te jaikena haathi khan ke hataidibole kura time te huwa ase.
Add Comment