Assam: IIT-G researchers para milk freshness janibo nemide sensor bonaise

Guwahati, 13 November: Wednesday deh Indian Institute of Technology, Guwahati (IIT-G) koise, tai khan laga researchers para paper-based sensor bonaise. Etu para milk laga freshness janibole paribo. Etu toh simple method ase aro etu para sitha janiya toh thakibo.

Milk deh bacteria aro tusara microbes dangor hobole paribo aro etu toh khali taste ekala ke effect howah nahoi kena health kebe dekthari ola thakibo.

Pasteurisation toh hoile milk deh microbes moraidebo nemide jolai aro alak alak tests kora toh pasteurisation laga effectiveness sure hobo nemide ase.

Methylene blue test jola toh samai khaa laga tests ase. Etu para microbes thaga aro nathaga janibo nemide besi khonda toh lakiya thakibo.

Commercial phenol-based tests nemide sophisticated spectrophotometers lakae aro etu deh multistep procedures be melikena ase.  Etu nemide testing centres aro skilled personnel lakae.

Pranjal Chandra, Assistant Professor, Department of Biosciences and Bioengineering, IIT Guwahati koise, “Milk laga quality test kuribole parishe koile etu kaam laga hobo. Etu nesana testing nemide easy-to-operate aro portable detection kits lakae”

Alkaline Phosphatase (ALP) toh metalloprotein ase aro etu toh raw milk samples deh pai aro etu toh milk laga quality control deh kaam laga biomarker manae. Etu toh raw milk deh pai aro etu toh pasteurisation time deh beya korae.

Researchers para simple filter paper jolai, chemically modified korise aro recognition element anti-ALP logode load korise. Etu para milk deh ALP thaga capture korise.

Colour gara howah para ALP thaga toh dekhise. Team para colour laga image capture kuribo nemide smartphone jolaise aro phone deh RGB (Red Green Blue) filter toh jolai. Etu colour powah para profile bonabo nemide ase. Etu toh test sample deh ALP laga concentration thaga ke mela-meli thakibo parae.

Chandra koise, “Ami khan laga sensor para ALP janibo nemide 13 min nesana loise. Etu toh joldi onsite analysis nemide jolabole paribo.

Researcher khan bosti aro commercial market para milk phal para test korise. Etu toh paper-based sensor kit jolai kena koise. Tai khan para lowah toh 0.87 units  ALP per millilitre laga milk para 91-100 per cent accuracy toh detect kuribole pariya paise.

Chandra koise, “developed bio-electronic chip toh improved accuracy logode paper-based kit laga advanced version ase”.