Ex-Pak PM Nawaz Sharif’s laga maike morise

Islamabad, 11 Sebtember: Tuesday din purana Pakistan Prime Minister Nawaz Sharif laga maike Begum Kulsoom Nawaz morise. Begum Kulsoom Nawaz toh cancer bemari pora mora laga ase. August 2017 time pora 68-sal begum Kulsoom toh lymphoma (throat) cancer howah thakise. Tai Nawaz Sharif logode April 1971 de shathi howah thakise. Begum Kulsoom toh NA-120 de hesha loi-kena jeta thakse. Tai laga moda Nawaz Sharif ke Supreme Court (SC) pora seat pora olaideya (disqualified)  thakise.Etu olaideya toh Panama Papers case karni thakise. Begum Kulsoom Nawaz toh gao thek na-thaki kena hoilebe NA-120 de hesha howah thakise. Aro tai Pakistan Tehrik-e-Insaf (PTI) laga Yasmin Rashid logode 59,413 votes pora jeta thakise. 1999 military coup time de Pervez Musharraf pora Nawaz Sharif logode tusara desh de kethaideya thakise. Etu time de tai laga maike Begum Kulsoom Nawaz toh party leader howah thakise. Tai etu jeta bechide 1999 sal pora 2002 tak president karni thakise.  Begum Kulsoom Nawaz laga ama Maryam Nawaz laga hesab de, Kulsoom toh Punjab jaga de Kashmiri family pora johnom ppowah ase koise. Tai Forman Christian College University proa graduate howah ase koise. Begum Kulsoom Nawaz ke jarta bacha ase. Etu bacha laga naam khan toh Hassan, Hussain, Maryam aro Asma ase. August 23, 2017 de, UK laga doctor pora Kulsoom Nawaz logode cancer thaga jani-paise aro tai ke medical care karni London de pothaideya thakise. Etu time pora Nawaz Sharif aro Maryam Nawaz toh Kulsoom Nawaz logode log-koribo karni aihebo aro jabo kori thakise. June 15 de, Kulsoom Nawaz toh sash komti (cardic arrest) howah pora ventilator de thakise. Tai laga bacha Hassan aro Hussain toh UK de thaki-kena tai laga ama ke sai-thakise. Prime Minister Imran Khan toh Kulsoom Nawaz mora karni ektum mondukh howah kotha janaise. PM Imran pora kowah toh, Kulsoom Nawaz laga family logode law hesab de sob facilities debo koise. PML-N leaders pora kowah hesab de Kulsoom Nawaz laga funeral toh Pakistan de thakibole ase aro etu funeral din thakibo karni Nawaz Sharif logode manibo (allow) pari.