IMPHAL | NOV 20, 2019: Manipur Tuesday din te 18 hour shutdown kura toh Citizenship Amendment Bill (CAB) kuntu toh toh Parliament laga jai thaka winter session te kotha kuribole thaka laga khilaaf jaikena dukh pai thakishe.
Etu shutdown toh Manipur People Against Citizenship Amendment Bill (MANPAC) aro North East Forum for Indigenous People (NEFIP) para milikena kurishe aro etu te strike time te okobi chamela khan olai kena thaka nai etu toh Tuesday din 6 pm te khotom hoishe.
Official sources koishe ki business establishments, shops, vendors, hotels, motels, entertainment houses aro oil depots khan bondh kurishe etu shut down huwa nimete .Source aro koishe ki ekta educational institution khan bi khulikena thakanai.
government offices laga attendance khan bi eman bhal thakanai state chief secretary para government employees and education institutions khan ke order diya pichede bi normal duty kuribole nimete nohoile action face kuribole janaishe. Inter-state aro inter-district buses khan bi chulanai.
Taxi aro autorickshaw khan bi beranai .Manipur police para MANPAC convenor Yumnamcha Dilipkumar aro tai logote thaka tinta associates Manipur’s Imphal West district para thurishe etu bandh time te .
Police khan aro bi Khwairamban Keithel, desh laga sobse dangor maiki khan laga bazaar para tinta maiki thurishe etu toh bondh thakishe .Northeast toh CAB laga khilaaf thakishe etu para manu khan bhui khaishe etu para demographic imbalance anidibo kile koile toh Bangladesh laga bishi wala illegal immigrants khan etu area te thakeh.
CAB toh Lok Sabha te January 8 etu sal pass hoishe hoilebi etu toh Rajya Sabha te kotha kuranai.
Etu para Bangladesh, Pakistan aro Afghanistan laga Hindus, Jains, Christians, Sikhs, Buddhists aro Parsis khan ke saat sal india te buwa pichede tai khan kagooz nathakikena Indian citizenship dibo .
Add Comment