New Delhi, 27 November: Wednesday din Defence Minister Rajnath Singh para Lok Sabha deh koise, Jammu and Kashmir deh terror hatsa toh namise. Tai koise, army, paramilitary forces aro Jammu and Kashmir Police toh terrorism ke fight kuribo nemide meli ase.
Tai koise, “Last 30-35 sal Jammu and Kashmir deh terror hatsa toh hoi thakise. Hoilebe ami para forces ke samaan kuribo lakae. Terror hatsa toh etiya ektum nil deh namise”.
Tai para etu jawab deya toh hoile Congress member K Suresh para etu per terror hatsa deh olob manu moraideya opor deh howah nemide janaideya ase.
Tuesday din J&K’s Anantanag district deh blasts para two manu mora aro seven manu jokhom powah thakise.
Jowah moina alak hatsa deh West Bengal para five migrant labourers ke moraideya thakise aro two truck drivers ke moraideya thakise. Etu toh terrorists para moraideya ase.
Mr Suresh para be government ke bothnaam korise kelay koile House deh state laga halat toh thek hoise koikena mesha-meshi kotha ola nemide. Defence Minister koise, Kashmir ke charikena last five-and-half desh deh dangor hatsa toh howah nai.
Tai koise, Jammu and Kashmir laga case deh, terror hatsa toh last 30-35 sal para dekhi ase.
Rajnath Singh laga jawab opor deh kushi napai kena Opposition members koise, state deh shanty toh aro annibo lakibo.
Jowah hapta Home Minister Amit Shah para Rajya Sabha deh koise, “Kashmir logode government offices aro educational institutions be thek para function kori ase hoilebi Internet connection toh nai aro etu toh local administration para thek bhabona kora bechide khelibo”.
Tai aro koise, August 5 direk state laga special status hataideya bechide police firing deh ekta manu be mora nai. Besi jun manu khan state laga special hataideya bechide besi kon howah aro besi mora thakibo koikena bhoi howah thakise.
Add Comment