New Delhi, 27 November: Wednesday din Civil Aviation Minister Hardeep Singh Puri koise, judi Air India para privatised kora nai koile agae din phal airline joli thakibole dekthari hobo.
Mr Puri koise, “Judi privatised kora nai koile function kuribole nemide kot para poisa ahibo? Poila ami khan operation loss nemide finance ministry agae deh jai thakise. Ami khan ke finance ministry para eku poisa powah nai, ami khan banks ke jabole olai”.
Tai koise, “Aji Air India laga condition toh first-class asset ase. Judi ami khan etiya bekhaise koile bidders ahibo.l Judi ami khan bekhabole mon nahoi kena nabekhaikena thakise koile ahibole din ami khan julibole nemide dekthari pabo”.
Etu sal August moina Civil Aviation Minister koise, government toh Air India privatise kuribole gara bhabona ase aro besi manu khan kenibole kushi ase.
August 3 direk Parliament para Airports Economic Regulatory Authority of India (Amendment) Bill, 2019 passed kora thakise. Etu para major airport nemide annual passenger tariffic laga threshold othaideya thakise. Etu bechide government toh Air India private kuribole commit korise kowah thakise.
Airports Economic Regulatory Authority of India Act, 2008 amend kuribole laga Bill toh pola Rajya Sabha para passed kora thakise.
Add Comment