New Delhi, 27 November: AIIMS PhD laga entrance exam nemide online registration toh 27th November 2019 deh suru hoise. Institute para website deh notice deya hisaab deh, exam toh January 4 direk deh lobole ase. All India Institute of Medical Sciences (AIIMS) PhD exam nemide application filled kuribole paribo aro etu toh December 16 direk nahowah agae deh submit kuribo lakae. Last date 5 pm deh application submission portal toh bondh kuribo.
AIIMS PhD entrance exam toh single shift 10 am para 11.30 am tak lobo. Agae session deh PhD programme nemide exam toh etu sal May moina deh lowah thakise. Etiya nemide APPMS para registration page toh update kora nai.
Poila laga notification hisaab deh, AIIMS PhD exam toh objective type aro question paper laga medium toh English thakibole janaideya thakise. Question paper toh two levels laga questions thakibo. Total questions toh 70 thakibo.
Add Comment