Headlines • Kohima • Nagaland

Kohima deh 33rd North East Orthopaedic Surgeons’ Conference (NEOSCON) loise

November 30, 2019
198 Views

Kohima, November 30: November 29 direk Capital Convention Centre, Kohima deh 33rd North East Orthopaedic Surgeons’ Conference suru howah toh 30th November 2019 deh kothom hoise. Etu toh the theme “Trauma in Orthopaedics” pithor deh loise. Etu toh Nagaland Orthopaedic  para North East Region Orthopaedic Surgeons’ Association (NEROSA) laga ages under deh loise.

1986 deh suru howah   NEOSCON toh NE Orthopods laga ama ase. Etu toh eight NE Sate laga alak alak State-wise Orthopaedics societies para NEROSA under deh loise. Etu conference deh sob NEOSCON member toh refresh nemide agae saijai, ekta ekta laga giyar update kora aro ekta ekta logode sambaan phal bonail. Aji tak Kohima deh NEOSCON lowah toh third par wala ase.

Advisor, Urban Development aro Municipalities Affairs, GoN, Dr. Neikiesalie Kire para tai laga inaugural address deh tai laga experiences janaideya thakise. Tai para jawan doctors khan ekta ekta logode janibole, giyan janaidebole aro nejor laga experiences janaidebole kowah thakise.

Kire para punctuality toh hotai insist kora thakae aro tai laga hotai jevaan deh follow kora thakae koise.; Medical professional laga punctuality toh kenaga hoilebi thakibo lakae koise aro etu toh gara para manibo lakae koise. Tai para be doctors khan patients khan nemide sacrifices, kindness aro responsibility hobole koise aro etu enaga kora para enaam napowah toh nathakae koise.

Tai para delegates ke ektum kushi powah kotha jani kena tai laga kotha toh kothom korise. Aro tai para be tai khan ke lobo din nemide state deh bohoibole koise kelay koile state deh hornbill festival mana ke sabole nemide aro nejor laga khobor deh Nagaland laga dhun culture aro tradition laga jaat (memories) para khorabole nemide.

Principal Director, Health & Family Welfare, GoN, Dr. Vikeyie Losu toh guest of honour nemide kotha kroa thakise. Tai koise, tai laga time deh limited medicine & facility toh thakise. Hoilebe etiya chese toh putli hoise aro dawai para bekha aro dukh pai thaga ke aram deya toh othise. Tai koise, health planners toh society laga health lakiya najibole nemide janibole nemide active part koi ase. Tai koise, preventive steps aro preparaing para phal care debole ase.

Programme highlights; Welcome address organizing chairman, Dr. Neikhrielie  Khimiao para korise, NEROSA Presidential address Dr. I. I. Singh para korise, NEROSA Secretary Report Dr. Chinmoy Das para present korise, Song School of Nursing, Kohima para present korise, Vote of thanks Dr. Gwalozu Thong para kosie. Etu agae deh Souvenir toh Dr. Neikiesalie Kire para ola thakise. Tui din conference deh sob melikena 116 delegates ahishe.