GANGTOK | DEC 5, 2019: Former Indian football captain aro Hamro Sikkim party laga founder , Bhaichung Bhuitia para Citizenship (Amendment) Bill, 2016 ke opposed kurishe etu toh tai hisaab te bishi dikdaar ase long term nimete aro manu khan laga interest te .
Union Cabinet para Citizenship (Amendment) Bill Wednesday din te approve kurishe etu para Pakistan, Bangladesh and Afghanistan laga non muslims khan ke citizenship di ase .
Bill laga critics koishe citizenship toh religion logote linked kuribole napareh aro etu te ekta toh West Bengal’s Trinamool Congress party, para BJP ke bodnam kurishe “cheap and narrow” political gains luwa nimete .
Bhaichung Bhutia koishe “Ami khan Bangladesh osorte ase aro etu nimete bishi chamela ase Bengal aro dusra Northeastern states khan te etu para Sikkim khan dukh pabo.”
Tai aro koishe tai bhabona kuri ase ki Sikkim government —Sikkim Krantikari Morcha aro BJP — para chulai thaka dusra BJP allies khan laga example lobole lageh aro Citizenship (Amendment) Bill ke khilaaf kuribole lageh.
Bhaichung Bhutia koishe Hamro Sikkim Party khan tayar ase Sikkim government ke pressure dibole nimete aro lageh koile toh Union Home Ministry and the Prime Minister’s Office ke likhibo.
“Sikkim te ami khan logote Article 371(F), ase aro constitution bi ase aro ami khan logote Sikkim Subject Act bi ase etu karne ami bhabona toh manu kun khanke hataidishe tai khan ke proper identification dibole lageh.”
Bhaichung Bhutia koishe ki “NRC ekla nohkena ami khan Sikkim Subject identification pabole lageh.”
Add Comment