SHILLONG | DEC 16, 2019: Meghalaya Congress para state te Inner Line Permit dhala te support kurishe aro koishe Sixth Schedule Areas toh pura state te halibole lageh .
Congress leader, Dr Mukul Sangma para Sunday te meeting loikena reporters ke koishe ki”Hoi ami khan state te ILP shuru kuribole lageh . Eastern Bengal Frontier Regulation, 1873 or ILP toh relevant hoishe manu khan hisaab te kun khan Delhi laga policies bona manu khan ase.MRSSA toh ILP logote shuru kuribole lageh .MRSSA toh bonaishe ILP bonabole nimete.”
Etia Mukul koishe ki Sixth Schedule para state laga pura area toh cover nakureh.Congress leader aro koishe ki”Etu nimete Sixth Schedule toh dusra jaka khan te bi rakhibole lageh kuntu toh sixth schedule para cover kuranai .nohoile toh etu toh aro ekta enclave hobo CAA 2019 te shuru kurishe koile toh.”
Mukul aro koishe ki Meghalaya toh bishi vulnerability hoijabo judi etu act toh shuru kurishe koile toh kile koile toh state khan dangor inter-State border Assam logote 443 Km porous international border Bangladesh logote ekla nohoikena.
Tai aro koishe”state toh bishi alag ase assam para aro ami khan etu toh resolve kuribole lagibo .Meghalaya aro Assam khan clarity thakibole lageh etu issue tekun tu toh khotomkuribole lageh.”
Aro bi Dr Mukul koishe Congress khan demand kuri thakibo CAA,2019 repeal kuribole nimete kile koile toh etu toh anti-people legislation thaka nimete .
Add Comment