New Delhi, 16 December: Monday din central khobor hisaab deh, amend korideya Citizenship Act deh list kora six communities laga migrant hoise koilebe automatic citizenship bill toh napabo. Authority para verify aro process kuribole nemide sob interested candidates para nemide online application debo lakibo.
Home Ministry para clearification ahiya toh hoile desh deh chamela law karni nationwide protests kori thaga time deh ase. Etu para neighbouring Bangladesh, Pakistan aro Afghanistan laga non-Muslims khan citizenship nemide joldi bonabole aim ase.
Opposition parties aro student groups para amend kora law toh “anti-Muslim ase koise. Northeast deh kowah toh hoile etu para Assam Accord of 1985 ke komchor koridebo aro regional identity kothom kuribo.
Home Ministry logode ekta official koise, notun act para sob illegal immigrants ke Indian citizenship automatically debole laga nahoi. Tai khan citizenship nemide apply kuribo lakae. Etu bechide competent authority para processed kuribo. Aro koise, Centeral government toh amend kora Citizenship Act toh operationalising nemide rules fram kori ase.
Chamela law para December 31, 2014 tak India deh ahikena thaga six “minority” communities migrants ke citizenship pabole ase. Poila Indian citizenship pabo nemide toh 11 sal thakise hoilebi etiya 5 sal deh namaideshe.
Official koise, amend kora Citixenship Act para kondu community ke hoilebi target nai. Northeast laga indigenous manu aro tribals laga interests ke bachabo nemide provisions toh bonaise. Inner Line Permit aro law para Sixth Schedule of the Constitution thaga state ke notun law para citizenship nemide apply kuribole naparibo.
Add Comment