Russia aro Japan majode peace treat sign koribole kotha

Vladivostok, 14 September: Wednesday din President Vladimir Putin pora etu sal Russia aro Japan majode peace treaty sign korile phal hobo kowah thakise. Etu sign kora bechide tuita desh majode relation thek na-thaga toh phal hoijabole biswas kori ase. Putin pora etu khobor janaideya toh Japan de pongjise. Etu plan nemide Japanese government laga spokesman pora be sign na-kora agae de first tuita desh laga chamala thek hobo lagi koise.  Russia aro Japan centres majode Kuril laga jarta islands nemide  chamala ase. 1945 war kothom howah time de etu islands toh Soviet Union pora kabjaa (occupied) kora thakise. Hoilebe etu island toh Japan pora loi-kena ase. Etu chamala nemide tuita desh toh peace treat de sign nakori kena thaga ase. Vladivostok laga eastern city de economic forum thaga time de Putin pora koi-kena thaga toh, Japan aro Russia majode chamala hoi thaga rokhijabo karni 70-sal kosish kori kena thakise koise. Etu economy forum time de Japanese Prime Minister Shinzo Abe aro Chinese leader Xi Jinping be thakise.