SHILLONG | DEC 18, 2019: Meghalaya Cabinet Tuesday, te Meghalaya Environment Protection and Restoration Funds (MEPRF) kinika kaam kuribole ase etu laga guidelines khan dishe.
Meghalaya Chief Minister, Conrad K Sangma para etu laga khobor dishe cabinet meeting pichede aro koishe etu guidelines kuntu toh lagi thakishe kinika etu funds khan chulabole nimete.Etu nimete state government khan MEPRF bithor te nationalized bank te account khulishe.
Tai kuwa hisaab te Government khan ke Supreme court para permit dishe market value laga 10 percent transportation nimete lobole nimete etu ola coal laga Tai koishe sob milaikena Rs 445 crore MEPRF nimete jamaa kurishe.
Meghalaya Chief Minister koishe k etu Rs 445 crore te government khan Rs 100 crore Central Pollution Control Board (CPCB) ke dibo kuntu toh Supreme Court hisaab july 3 te aro CPCB khan etu chulabo etu nachula coal mines khan nimete .
Meghalaya Chief Minister khobor dise ki government khan akhe para hi rules khan bonaishe etu coal khan luijabole nimete .Etu rules khan toh Katakey Committee ke dikhaishe .Hoilebi etu committee laga meeting toh tin bar wala akhe kuridishe.Ami khan rukhi ase committee khan le tai khan laga final approval dibole nimete government khan para guidelines bona te.
Justice Katakey ke NGT committee laga chairman bonaidishe supreme court order para August 31, 2018 te aro olop akhe te hatijaishe personal reasons nimete aro sources khan koishe ki tai hatijaa toh state government khan okobi nakura nimete kurishe.
Add Comment