Zunheboto, 21 February: Zunheboto District Planning & Development Board (DPDB) para 20th February 2020 te monthly meeting toh Deputy Commissioner’s conference hall jaga te loise. Meeting te Minister Agriculture and Cooperation, G. Kaito Aye, Advisors, Khehovi Yepthomi, Pukhayi aro Kazheto Kinimi aro board laga tusara members thakise.
Board members para Satoi jaga te NAP out post bonabo nemide manishe. Board para be public para request kora Zunheboto town para Kohima aro Mokokkchung te bus service thakibole laga agae luijaishe (forward). Board laga chairman, Kazheto Kinimi para Zunheboto town te DC office complex bonabole opor te koise. Tai para be fesla toh ek moina te majode kuribo aro kushi thaka manu khan tenders nemide ahibole koise. Kohima aro Mokokchung te bus service thakibole opor te tai para sob concerned departments ke cooperate kuribole aro issue opor te process toh joldi kuribole request janaishe.
Pakhayi para coronavirus pheli thaka aro etu juncture te shikaar kori thaka para dukh powah laga issue loise. Tai para khali district headquarters ekala te nohoikena awareness building programs toh towns aro bosti te be lobole koise. Tai para ami khan laga economy besi phak agriculture aro rich resources ami khan ke thaka para dangor hobole lakiya opor te koise.
Khehovi Yepthomi para arobe office attendance check kuribole koise. Tai para sob officers ke nejor alga posting jaga te present thakibole koise. Tai para be DC ke sob officers ke nejor laga offices te attendance sabole aro galdi khan ke report kuribole nemde letter debole koise.
- Kaito Aye para alak alak on-going/stalled projects hight kora toh Zunheboto te hundred bedded hospital, nursing school, Multi-purpose hall aro DIET bonabole nesana kkhan ase.
GBs union para Zunheboto town te machinery kothom howah aro town maintenance nemide joldi lakiya janaishe. Request toh board para agae pothaideya thakise.
Add Comment