Washington: Hamla kura mask lakai kena Indian national Maninder Singh Sahi ke moraitishe grocery store Los Angeles Saturday te, local police para koishe. Maninder, kon doh 31 sal howa jowa moina, doh sati hoi kena dhakishe aro doita bacha laga baba dhakishe.
Karnal para jaha, Sahi doh US te choi moina boila te ahishe aro political asylum sai dhakishe.
Dai doh 7-Eleven grocery store te kaam kuri dhakishe Whittier City Los Angeles County of California te.
Dai khan laga khor member te dai he kammai dhaka manuh, Sahi para boisha botai dhakishe dai laga maiki ke aro doi bacha te khor te, dai laga khan dhan US te koishe.
Whittier Police Department laga heshap te, etu incident doh 5.43 am Saturday te hoishe.
Preliminarily, ola suspect doh store te khosishe semi-automatic handgun logot chor kuribole.
“Najana reasons ke suspect para bandok marishe etu para clerk doh moraitishe,” police para koishe ke suspect laga noksha release kuri kena.
“Suspect doh etu location para bolai jaishe aro bahar te khara kuri dhaka time te, doita customers dhakishe store bedor te, doita pe jokom beishe. Suspect ke describe kura doh kala jowan dhakishe 506-507 neshina majur te. Suspect para dai laga jahera bon kuri loishe aro kala hoody lakai kena dhakishe gray hoody underneath logot,” Police para koishe.
Mora laga dada para dati GoFundMe Page lakaishe boisha odaibole etu para mora laga kao Maninder doh India te wabas loi lobole baribole.
“Dai para becha charishe, dai laga khor manuh, dai laga maiki aro doita choto bacha, panch aro nou sal umar. Moi motob manghe ase dai laga kao India te wabas loi jabole dai laga maiki aro bacha para dai ke sabo nemite last time,” dai laga dada para Go Fund Me page te lekishe Sunday te.
Add Comment