GUWAHATI , April 1, 2020 : Assam chief minister SarbanandaSonowal para Tuesday te koishe state government khan para 21-day nationwide lockdown period toh komti kuranai aro etu toh April 14 tak chulibole ase.
“Assam Govt para tai khan laga lockdown norms toh etia tak komti kuranai aro Lockdown21 toh April 14 tak chulibo.Kile koile etu toh ami khan laga safety nimete thaka karne mui para Assam manu khan ke koi ase ami khan logote mondibole nimete Covid-19 ke haradibole nimete.”
Assam Tuesday din te tai khan laga coronavirus laga first case olaishe etu pichede ekta 52 sal mota Badarpur Karimganj district te COVID beemar ola pichede.
Sources koishe etu 52 umar mota Hassanpur Badarpur osorte thaka manu toh bishi beemar aro gao bikhai thakishe olop din akhe para .
Srigouri PHC Badarpur osorte thaka doctors khan para tai ke etia nimete observation te rakhikena thakishe.
Tai laga khoon sample toh Silchar Medical College Hospital te test kurishe aro beemar olaishe.Etu pichede National Institute of Virology Pune para koishe etu khoon sample toh positive thakishe koikena Tuesday saam te janaishe.
COVID-19 lockdown toh uthabole pareh April 14 midnight para kotha ola toh Cabinet secretary Rajiv Gauba para Monday te koishe centre khan logote okobi plan nai etu nationwide lockdown toh uthabole nimete.
Government para lockdown te exemptions khandishe saaaman utha gari berabole nimete etu bi essential aro non essential categories khan nimete ase.
Add Comment