Indian women’s team jetise Hong Kong logode 6-1 pora

New Delhi, 15 September: AFC U-16 Qualifiers de Indian women’s team toh ektum gara pora suru hoise. Tai khan Hong Kong logode 6-1 score pora first match jeti kena ase. India laga khelari Lynda Kom pora hat-trick mara thakise. Etu pora Indian team khan jetibole ektum sure howah thakise. Lynda’s pora tin-ta goal thala ke chari kena captain Shilky Devi pora be tuita goal thala thakise aro ek-ta goal toh Sunita Munda pora thala thakise. Jowah moina Bhuta jaga de Indian maike khan SAFF U-15 Championship jeti-kena thakise. Aro etu par-laga AFC Women’s Championship debe jetib ole kosish koribole ase. India team toh next Pakistan U-16 logode 19 September de khelibole ase.  Etu bechide tai khan hosts Mongolia U-16 aro Laos U-16 logode be khelibole ase. Head coach Firmin D’Souza toh etu jeta karni ektum kushi pai kena thakise. India pora goal thali-kena suru howah toh 23^rd minute de thakise. Etu goal toh Sunita pora thala ase. 35th minute de Shilky Devi pora goal thali-kena lead kora thakise aro Lynda pora 3-0 bonaideya thakise. Half-time howah time de India 3-0 lead pora kushi manai thakise. Half time bechide India khan arobe attacking de jaa thakise. 50^th minute time de penalty powah toh Shilky pora thala thakise. 73rd minute de, Aveka Singh’s pora mucha cross mara de Lynda Kom pora goal thali-kena 5-0 bonaideya thakise. Hong Kong khan khali ekta goal thala toh 86th minute de thakise, hoilebe last minute de Lynda pora aro goal thali-kena 6-0 bonaideya thakise.