Agencies, 18 July: Friday te Board of Control for Cricket in India (BCCI) para sob kaam laga Apex Council meeting loise. Etu opor te, ekta official meeting te hesha thaka para koise, Apex council members ekta howa toh domestic fixture te joldi shaijabole aro poila laga pura style each team playing games toh nejor laga zones te suru koribole kotha korise.
Official koise, ami khan para domestic cricket laga fate te phal para kotha korise aro travel restrictions thakikena aro pandemic nemide health guidelines mani kena kenaka agae jabo etu opor te shaise. Etu toh nascent stage hoise koilebe ami khan nejor zones te Ranji Trophy games te korabole kotha korise, desh te perai thaka putli. Kelay koile etu he aji kali laga situation te ekta phal opai nemide.
Indian Premier League laga fate opor te official koise, official announcement toh ICC para T20 World Cup opor te announcement bona bechide he hobo. T20 World Cup toh Australia te October-November window te khelibole ase.
Official koise, “Ami khan announcement toh bonabo naparibo ICC para T20 Woeld Cup te final call nadiya tak. Hoilebe ami khan Monday’s ICC meeting bechide official word dekhi aro ek par etu toh hoile ami khan lakiya announcement bonabo paribo”.
Jaija olob moina te 2020 edition of T20 World Cup toh postponement nemide call korise. ICC para waiting games nemide prefer korise aro showpiece e vent opor te official announcement toh nadikena ase.
Add Comment