Tokyo, 19 July: Sunday din live audience agae te Sumo para notun tournament suru korise. Pandemic othi thakise koilebe fans toh kushi aro hosiyar para shai thakise.
Tournament toh Ryogoku Kokugikan jag ate August 2 tak joli thakibole ase.
Etu tournament suru nakora agae hapta, Japanese baseball aro football opened stadiums toh shaa manu khan nemide khula thakise kelay koile government para virus laga tension thakise koilebe economy suru koribole kosish kora nemide.
Khali 2,500 fans toh 11,098-seat stadium pithor te thakibole manishe. Tai khan ke khel te kushi powa toh express nakoribole koishe.
Kon hoilebe gao laga temperature 37.5 degrees Celsius (99.5 F) nahoile etu para besi thaka khan kushibole mananai.
Shaa manu khan be mask lakabo lakibo, nejor laga haat sanitise koribo lakibo aro ekta ekta para dur thakibole aro chowa (touching) toh namanibo.
Japan te COVID-19 ola suru howa samai para ekta wrestler toh infection para morishe. Aro besi fighters aro officials ke be positive test paise.
Sumo toh January te live audiences suru nakora agae te lowa thakise. Etu time te Japan te coronavirus laga first cases dekhise.
Sumo authorities para May tournament toh cancel nakora agae te March tournament toh closed doors te lowa thakise.
Aji kali laga tournament toh originally central city of Nagoya te closed doors para lobole thaka ase.
Hoilebe officials para event toh Tokyo te putli koribole fesla korise kelay koile wrestlers aro official travel kora komti koribole aro sabo nemide fans be olob manibo karni.
Add Comment