Indonesia de pani-jahas (ship) pora 13-jun moraidese

Jakarta, 16 September: Saturday din official pora central Indonesia de ekta pani-jahas (ship) joi lagi-kena pani pethor de dupise koise. Etu pora nai-nai koile be 13 jun morise aro 8-jun toh etya tak hari kena ase. Friday din Sulawesi province jaga de etu hatsa howah time de 150 passengers nesana khan pani-jahas pethor-de thakise pari. Rescue (bacha manu khan) khan ketum dukh kora bechide, Saturday afternoon pora 126 jun ke bachai kena ase. Bachi thaga passenger karni search aro rescue operation toh jai ase. Wisnu Wardana pora AFP logode kowah toh, passenger families pora janaideya hesab de, manu khan etya tak be hari kena ase kowah thakise. Mora khan majode tui-ta bacha be mori kena ase. Besi phak passenger khan life jackets lagai kena powah thakise. Etu hatsa howah toh ke karni ase na-jani kena ase. Indonesian manu khan besi phak boat transport kori. Hoilebe safety komti thaga karni hatsa toh hoi thaki. June moina Lake Toba jaga de ekta pani jahas keri kena 160-jun ke moraideya thakise.