Middle East de besi din military thakibole na-paribo: German Minister

Agencies, 16 September: Saturday din German Defence Minister Ursula von der Leyen pora janaideya hesab de, Middle East jaga de German forces toh lamba din karni thakibole na-paribo koise.  Etu kotha toh Jordan laga Azraq air base jaga de jaa time de kowah laga ase. Middle East jaga de Germany khan strategic base lagibo na-nai huta time de Ursula von der Leyen pora kowah toh, first ami khan etu deployment tek pora kothom hobo lagibo kowah thakise. Wednesday din Von der Leyen aro tusara German officials pora Syria jaga de chemical weapons na-jolabole kotha kora thakise. Aro Chancellor Angela Merkel pora kowah toh, judi hamla hoise koile Germany khan toh sai-kena he thakibole na-paribo kowah thakise. Jowah hapta Washington pora Berlin logode koi-kena thaga toh, judi chemical weapons hamla hoise koile France aro Britain logode meli-kena military action lobule hesha thakibo na-nathakibo huta thakise. United States pora Syria logode hosiyar janaide kena thaga toh chemical weapons aro najolabole kowah thakise. Judi tai khan jolaise koile US pora action lobo kowah thakise.