New York: July 24, 2020. Thursday din te Disney para junaishe ke, coronavirus bemar thaka nemite te tai khan laga tangor-budget film Mulan tuh kuboli napara dak postpond kuriboli olaiase, etu samay, ahiboli film “Star Wars aro Avatar “ tuh be ek saal nemite te othai thishe.
Live-action Mulan, tui para tuh postponed hoikena ase aro jaa par be August 21 darik te jaishe. Tenet, sci-fi thriller tuh be postponed kura nemite theater operators laga attendance tuh jump-start hoishe aro summer laga film calander tuh keriase koishe. Disney para junaishe ke, aha din te Star Wars aro Avatar film release hobole darik tuh aro ek saal nemite deri hobo. Avatar laga sequel tuh December 2022 saal te release hobo aro Star Wars laga 10th episode tuh 2021 aro 2022 saal te nahoikena December 2023 saal te he release hobo. Avatar films tuh alak-alak kurikena release darik tuh- 2024, 2026 saal aro 2028 saal te release hobo. Aro “Star Wars” tuh 2025 aro 2027 saal te hobo. Avatar laga director, screenwriter aro co-producer James Cameron para koishe ke, coronavirus bemari para New Zealand te kive-action bonaboli thaka tuh deri kuri thishe aro etu laga special effect nemite Los Angeles te aro soruh hobole ase, film release hobole postponed nemite roki ase. Disney para May moina te Marvel films besi release hobole thaka lamba kuri thishe, etu pithor te Black Widow, starring Scarlett Johansson be ase. Film tuh November 6 darik te olaboli ase. Etu bechete Black Widow ase aro Disney laga next studio film screens te ahiboli thaka tuh Soul ase, Disney banner pithor te Pixar’s laga notun animated kora ase, November 20 darik te roki ase. Disney para film besi olaboli laga darik nakoina postponed kurishe. The French Dispatch , Wes Anderson para directed kura film tuh boile te October 16 darik te olaboli ase koikena ase.
Add Comment