Mumbai, 26 July: Maharashtra Home Minister Anil Deshmukh koise, Bollywood director Mahesh Bhatt aro manager of filmmaker Karan Johar ke toh actor Sushant Singh Rajput mora opor te investigation nemide question koribole matibo.
Tai para news agency ANI te koise, “Kali (27th July 2020) Mahesh Bhatt ke toh questioning nemide matibo aro etu bechide Karan Johar’s manager ke be matibo. Judi lakile Karan Johar ke be Sushant Singh Rajput case te questing nemide matibo.
Dharma Productions laga chief executive officer Apoorva Mehta ke be Mumbai Police para matishe. Sushant Singh Rajput toh june 14 direk Mumbai’s Bandra te tai laga apartment te morikena powa thakise. Police para etu 34 sal actor toh suicide kora ase koise.
Actor mora bechide Bollywood’s Kangana Ranaut para tui minute video te Sushant Singh Rajput opor te gara kotha koise aro tai para be Susan toh film industry te nepotism (discrimination) karni para mora ase koise.
Ms Ranaut ke be etu case nemide Mumb ai police para matishe hoilebe tai toh statement debo nemide police station te ahibole naparibo koise kelay koile tai etiya Himachal Pradesh te thaka nemide.
39 nesana manu majode film critic Rajeev Masand, director-producer Sanjay Leela Bhansali aro filmmaker Aditya Chopra be melikena police para investigate korise aro tai khan laga statements record korise.
Actor Sushant mora nemide social media te dangor kotha olaise aro manu khan para tai toh Bollywood te nepotism nemide he mora ase koise.
Add Comment