27 JULY 2020: Assam Monday te COVID19 infections para aro bi saata patients murishe etu para state te mura toll toh 86 hoishe.
Etu khobor confirm kurikena Assam health minister Himanta Biswa Sarma para state’s COVID19 status laga latest tweet te koishe ki Jorhat, East Karbi Anglong, Kamrup Metro, Dibrugarh and Tinsukia districts para mura laga khobor paishe.
Health Minister khobor dishe ki etu manu mura khan laga naam toh Tulsi Prasad Deuri, 59, Jorhat; Joy Singh Bey, 59, East K Anglong; Mevina Begum, 26, Kamrup Metro; Dr GMS Chowdhury, 72, Dibrugarh; Ajoy Mahato, 35, Puspa Roy, 75 aro Dinesh Chandra Das, 50, Tinsukia district, para ase.
Assam te saata positive patients mura pichede active COVID19 cases toh etia 8,099 ase.Assam te etia tak 32,228 COVID19 positive cases olaishe etu te 24,040 patients khan state laga alag alag hospitals para olaishe aro 3 cases toh migrate hoishe.
Assam Sunday din te 1 ,142 new COVID19 positive cases olaishe etu te 985 dusra patients kun khan akhe te etu virus paishe hospital para olaishe tai khan ke negative test paa pichede.
Add Comment