July 29, 2020. Tuesday din United States te novel coronavirus bemari para 1,200 manuh moishe, May moina beche sobse besi manuh mora ase koikena Reuters laga tally hesab te koishe. California aro Florida tuh sobse manuh besi thaka desh ase. Tuesday din te sobse besi 362 manuh morishe aro etu melaikena 1,227 notun manuh morishe. Arkansas, Montana aro Oregon chaka te be COVID-19 bemari para ek din pithor te manuh mora tuh record hoishe. Tuesday din te manuh mora tuh tin(3) hafta pithor te United States laga sobse top hoishe. Jaa hafta, char(4) din pithor te manuh mora tuh 1,000 te othikena thakishe. Arizona, California, Florida aro Texas te bemari cases besi hoikena hospital be full thakishe. Cases othi thaka majot te states khan para U-turn loikena economies tuh aro kuli ase, March aro April moina te virus tuh spread nahobo nemite lockdown be thakishe. United States te virus tuh first January moina te thura beche 150,000 nehina manuh morikena ase. Duniyaa te sobse besi wala ase. Tuesday din te bemari cases tuh 64,000 oper othishe aro sob melaikena bemari cases tuh 4.38 million ase koishe. Bemari sobse besi thaka 20 desh pithor te, United States tuh manuh mora te sixth desh wala per capita ase, 10,000 manuh majot te manuh mora rate tuh 4.5 ase. United States bechete, United Kingdom, Spain, Italy, Peru aro Chile ase koishe.
Add Comment