July 31, 2020: Higher secondary examination, 2020 te maiki khan mota khan para bhal kurishe.Tripura Board of Secondary Education para Class XII results laga khobor dishe.
Tripura te etia lockdown chuli ase.Lockdown huwa pichede bi TBSE para tai khan laga result olaishe.
Professor Bhabatosh Saha, President of Tripura Board of Secondary Education para results toh phujur te press conference te olaidishe.
Bhabotosh Saha, president TBSE koishe ki Etu sal laga overall pass percentaghe toh 80.80 per cent ase.
Etu sal te Tripura board khan para etu sal laga Class XII examination toh khotom kuribole paranai coronavirus pandemic situation nimete.
Etu pichede sob bachikena thaka examination khan toh cancel kurishe .commerce stream laga pass percentage toh 78.56 per cent ase .
Arts laga pass percentage toh 79.52 per cent ase.science te highest pass percentage thakishe 89.85 per cent te.
Etu bar 17 students khan first 10 position te ahise. Bipasha Chakraborty, student Udaipur Vivekananda Vidyapeeth laga first position te ahise aro total 482 paishe.
Tai toh Arts stream laga student ase. Sepahijala district te bishi wala pass percentage ase.District laga pass percentage toh 84.27 per cent ase.
Sobse komti wala pass percentage paa district toh Dhalai 73.84 per cent te ase.etu examination toh komti hoilebi sob milaikena 27147 candidates dishe.
Etia etu sob streams laga toppers toh maiki khan ase.
Add Comment