Guangdong province laga 2.4 million manu hatijaise

Hong Kong, 17 September: Monday din southern China jaga de hawah pani toh arobe ektum kathari pora he thakise. Hong Kong pora Philippines tak hawah-pani pora manu khan moraide kena ase aro saman khan be beya koride kena ase. Southern China’s coast jaga de hawah pani toh namanai aro Guangdong, Guangxi aro  Hainan jaga de katharnaak hawah-pani Tuesday din tak enaga he thakibole biswas kori ase. Agae din phal Mangkhut (hawah-pani) toh Philippines jaga de howah thakise. Etu pora besi building khan besi keri kena besi jun mora aro hara thakise. Authorities khan pora khobor janaideya hesab de, Guangdong jaga de kash aro building keri kena Jar-jun moraideya thakise koise. Monday morning Mangkhut toh Guangxi regional capital laga Nanning jaga de jabole thakise aro etu bechide Yunnan province de jabole thakise. Hong Kong Observatory pora khobor janaideya hesab de, 1979 sal bechide ektum kathara cyclone Mangkhut toh hoise koise. State media pora janaideya hesab de, Sunday saam pora southern China’s Guangdong laga 2.4 million manu khan typhoon pora bachibole polaise koise. Tati laga manu khan logode Hong Kong Security Minister John Lee Ka-chiu pora katharnaak hatsa de daiyar hobole janaideya thakise. Saturday din northern Philippines jaga de hawah toh 205 kilometers (127 miles) per hour ahha thakise. Hawah-pani pora mathi kera toh Itogon town laga tuita bosti de thakise.