August 2, 2020: District Legal Service Authority, ChildLine aro Police Authorities Hojai te khobor paikena ekta Kalki Hojai district Saturday te ekta child marriage rukhaishe.
Khobor paa hisaab te 14 umar maiki laga ama baba khan para tayari kuri thakishe tai ke ekta mota kun tai para dangor thaka logote shaadi kurai dibole nimete.
Hoilebi etu hosa jaanaa pichede tai toh tai laga lover kun eki umar thaka logote polaijaishe aro shaadi kuribole thakishe.
Khobor paikena DLSA, ChildLine and Kaki Police para etu shaadi toh rukhabole parishe etu toh solemnized nohoa akhe te aro maiki bacha ke custody te luijaishe.
Etu pichede maiki laga health checkup loishe.etu pichede tai ke tai laga ama baba ke dishe.etia ChildLine khan para etu chamela nimete ekta case register kurishe.
Dusra kotha toh DLSA General Secretary and Magistrate Pronita Morang para duita parties ke order dishe court te Monday dinte ahibole nimete.
Etia District Legal Service Authority,ChildLine aro Police authorities khan Hojai te child marriage laga khilaaf crusade shuru kurishe.
Etia tak etu sal te komti hoilebi 60 child marriage nishena rukhaishe.
Add Comment