Nepal Monsoon Landslides te dos(10) manuh morishe

Kathamandu: Monday din Nepal te tangor paani ahikena landslides te ath(8) jun labourers khan morishe. Etu manuh khan tuh kam kura site te thakishe aro mora pithor te tui(2) jun manuh tuh ekta family para ase. Nepal te May moina para floods aro landslides te 177 manuh morikena ase koishe. South Asia laga desh besi te hotai saal paani season te manuh mora khobor besi ase. June moina, Bangladesh te sobse lamba floods hoikena 135 manuh morishe, etu samay aro floods para 120 manuh neshina Indian desh laga Assam aro Bihar desh te million manuh ke alak kuri thishe. Nepali government laga official, Murari Wasti para Reuters logot koishe ke, labourers khan tuh tina ghor te komai thaka samay landslides tuh ahishe, Etu chaka tuh capital, Kathmandu te hoishe. “Rescuers khan para mati tuh kundi-kena mora manuh laga bodies tuh olaishe” koikena Wasti para koishe. Labourer ek jun jokom kura tuh hospital te lokena jaishe. Tui(2) paar wala landslides te amiki aro tai laga mota be morishe. Wasti para aro koishe ke, May para September moina moina dak te 57 manuh tuh hari-jaishe aro 111 manuh tuh floods aro landslides para jokom paishe. Kingdom of Bhutan laga Himalayan te jaa moina flood ahikena bosti manuh khan be pachai thaka samay char(4) jun sepai khan morishe koikena officials para koishe. Bangladesh te 1 million oper manuh ke floods aro landslides para alak-alak kuri thishe aro thousand mati tuh paani othishe, etu nemeti 60,000 manuh khan ekta chaka te kuri thishe koikena Disaster Management and Relief Ministry laga junior minister, Enamur Rahman para janai thishe. “etu tuh hosa laga be challenging ase” tai aro  koishe, etu samay social distancing thakibole kujus kuri ase koishe.