August 3, 2020. India aro China para aro eastern Ladakh laga Line of Actual Control (LAC) te patrolling protocols tuh saboli koishe. June 15 darik Galwan Valley te larai kura neshina tuh nahobo nemite koishe. Khobor hesab te, Chinese PLA para rasta bonai ase, fibre optic cables aro post solar panels para LAC, Ladakh dak ponche-boli thali-ase. Etu samay Indian army para be kam tuh kuriase. Tuita(2) desh laga armies majot te patrolling kura samay border line lok paile ke hobo nejane koishe. “first step tuh tui jun pithor te lok nakoribo, etu beche tuita desh laga sepia pithor te 1993-1996 bilateral agreements hesab te tuita side te be komti sepia thakina kam kurikena patrolling samay larai nakoribo” koikena top official para kotha kura tuh HT para janai thishe. Etu samay, short-term solution hesab te disengagement aro de-escalation laga kam tuh jai thakibo. Janiboli ekta tuh patrolling point 17 (Gogra) and Pangong Tso fingers te tuita side laga tangor manuh khan para long-term solution nemite saiase aro etu para tuita sepia khan ke alak-alak hobole thibo koishe.
Add Comment