Agencies, 12 August: Lanka Premier League laga inaugural edition toh Sri Lanka te Coronavirus pandemic karni para halat beya hoi thaka karni November te lobole postpone korise.
2020 Lanka Premier League toh ashol August 28-September 20 te lobole thaka ase. Sri Lanka Cricket para release te kowa, “SLC para postpone nemide mana toh Ministry of Health para health guidelines deya te manikena ase.
ESPNCricinfo hisaab te, SLC toh league logode mela khan nemide shorter aro flexible quarantine samai nemide bhabona thakise. Hoilebe Sri Lankan government etu te mana nai kelay koile desh te COVID19 issue nemide.
SLC vice-president Ravin Wickramaratne para ESPNcricinfo te koise, ami khan toh experts nahoi. Etu para ami khan toh health ministry para ami khan logode kowa te agae jabo olai ase.
November 20th to December 12th nemide lobole laga opai toh ase. Etu he plan to ase. South Aisa te desh majode Sri Lank para coronavirus te rokha opor te besi kamiyaab korise. Etu island desh te coronavirus para mora toh New Zealand para be komti ase.
Sri Lanka te infection rukhabole para toh quarantine aro isolation nemide strict measures thaka karni ase. Hoielbe etu measures karni para Sri Lanka te international cricket suru kuribole laga chances nemide be dekthari pabo nesana ase. Aji kali etu toh October nemide scheduled kori kena ase aro Bangladesh para desh te tour toh Test series nemide thakibole ase.
Add Comment