Agencies, 15 August: Saturday din Former Indian cricketer Chetan Chauhan ke toh Medanta Hospital, Gurugram te ventilator support te rakhikena ase kelay koile tai laga medical condition toh ektum beya howa nemide.
Chauhan ke toh July te coronaivirus nemide positive test powa thakise aro suru te Sanjay Gandhi PGI Hospital, Lucknow te admit howa thakise. Etu bechide he tai ke toh Medanta Hospital te ana laga ase.
Tai ke toh COVID-19 para infect hoi thaka logode kidney aro blood pressure dekthari be hoise.
Chetan ke shaa senior DDCA official para koise, “Saturday morning Chetan ji ke toh kidney failure aro multi-organ failure hoise. Tai toh etiya life support te ase. Ami khan tai para etu larai jetibo nemide prathana kori ase”.
Chauhan toh aji kali Uttar Pradesh cabinet te Sainik Welfare, Home Guards, PRD and Civil Security Ministry thurikena ase. Tai be 2019 sal state te sports minister nemide kaam kora thakise.
Add Comment